De Hundsdåg han a wahre Blåg
då kosd du schwidzn Dåg fia Dåg
ja mehra no, a beira Nåchd.
De Hidz håd uns da Sirius bråchd.
Da Sirius des is a liachda Schdean
dea is vo uns weid weg und a seha fean.
Ea is a gressa wia de Sunn
drum hoasd man a den gråussn Hund.
Laud Theorie dea Astronomen
duad, da easde Schdean im Hund,
ara Midd von Monad Jule kund,
wia demnexd s'Weda wean kundd.
Wenn's schee is ara Morgnschdund
bleibd s'Weda - so wias is, - dreissg Dåg,
- a wenn's koana nimma måg. -
Bruada, då kos'd leidn wia a Hund.
zur Schreibweise und Aussprache:
st: ↔ schd z.B. Stern ↔ Schdean (wie man im Dialekt spricht!)
